سما جهانبازين ايتكين دوشمه سی ایله باغلی اساس شوبههلی حبس اولوندو
بیلگیلره اساساً، شوبههلی گنج «ی.ز» آدلی بیر ارککدیر. او، سمانسن یوخا چیخماسیندان اؤنجه اونو گؤرن سون شخصلردن بیری اولوب، لاکین ثبوتلارین اولماماسی سببیندن ایندییهدک آزادلیقدا ایدی. بو شخص شیرازدا داشینماز املاک ساتیجیسی و بیر نئچه ویللانین صاحبیدیر.
۲۲ یاشلی ساما جهانباز، اصفهاندان اولان بیر اؤیرنجی ۱۴۰۱-جی ایل یاییندا شیراز سفری زامانی یوخا چیخمیشدی. اونون آتاسی آچیقلاییب کی، بو حادثه “ساده بیر ایتکین دئییل، تشکیلاتلانمیش بیر آدام اوغورلوغو اولوب” و شوبههلی حاضردا پولیسین نظارتیندهدیر.
حادثه گونو سما قیزیل ساتماق اوچون بیبیسینین ائویندن چیخمیش و آناسینا ۲۰ دقیقهیه قاییداجاغینی سؤیلهمیشدی. لاکین او آندان اعتباراً اوندان هئچ بیر خبر آلینمامیشدی. ایلکین آراشدیرمالاردا قیرمیزی کؤینک گئیمیش بیر کیشینین سمانی ایزلهدیگی موشاهیده اولونموش، او شخص ساخلانیلسا دا، ثبوت چاتیشمازلیغی اوزوندن آزاد ائدیلمیشدی.
ایللر ایچینده مئدیادا اونون افقانیستانا آپاریلماسی، اینسان آلوئری ایله باغلیلیغی و حتی قوم یاخینلیغیندا تاپیلان یانمیش جسدین اونا عاید اولماسی بارهده احتیماللار یاییلسا دا، DNA تئستلری بو ادعالاری تکذیب ائتمیشدی.
نهایت، اوچ ایلدن سونرا، بو ایشین آرخاسیندا تشکیلاتلانمیش آدام اوغورلوغو شبکهسینین دایاندیغی اورتایا چیخیب و اساس شوبههلی پولیس طرفیندن حبس اولونوب.
#ایران_خبرلری #سما_جهانباز
