تبريز اطلاعات ایداره سینه چاغیریلدیقدان سونرا آشیقین امامی دن خبر یوخدور
تورک صنعتچی و مدنی فعال آشقین امامی ۱۴ مرداد ۱۴۰۴، چارشنبه گونو سحر ساعتلاریندا تبریزین اطلاعات ایدارهسینین ۳۷-جی آدلی اوتاغینا موراجعت ائتدیکدن سونرا ایتکین دوشوب و بو گونه قدر اوندان هئچ بیر خبر یوخدور.
بو حادثه ایله عینی واختدا، خانیم امامییه اؤزل اینستاگرام صفحهسی ده الچاتماز اولوب و تامامیله گوونلیک قوروملاری طرفیندن اله کئچیریلیب.
بیلگیلره گؤره، بو صفحهدهکی بوتون پایلاشیملار سیلینیب، قوللانیجی آدی و پروفیل شکلی ده ديیشدیریلیب.
بیر نئچه گون اؤنجه گوونلیک گوجلری محکمه قراری اولمادان خانیم امامییه اؤزل ائوه هوجوم ائدهرک اورادا آختاریش آپاریلیب.
باسقین زامانی ائو تام شکیلده آختاریلیب و خانیم امامینین شخصی اشیالاری، او جوملهدن موبیل تلفونو و لپ تاپی موصادیره اولونوب. ان ناراحاتائدیجی مسئله ایسه گوونلیک گوجلرینین عائله عضولرینی ائو گئییمینده کامئرایا چکمهلری اولوب کی، بوتون بونلار شخصی حیات توخونولمازلیغینا محل قویولمادان حیاتا کئچیریلیب.
سون بیر ایل ایچینده، آشقین امامینین ائوینه ائدیلن ایکینجی باسقیندیر. حادثهنین سببلری بارهده هله کی رسمی بیلگی وئریلمهییب و یئتکیلی اورقانلار هئچ بیر آچیقلاما یاییملاماییبلار.
#آذربایجان_خبرلری #آشقین_امامی
