دونیانین ان قدیم اونیورسیته تینی یارادان قادین فاطیمه الفهری

او، دونیانین ان قدیم اونیورسیته تینی، مراکشین فاس شهرینده یئرلشن القراویینی یارادان قادینی (The University of al-Qarawiyyin)
فاطیمه الفهری اون بئشینجی عصرین اووللرینده وارلی تاجیر آئیله سینده آنادان اولوب. یاخشی تحصیل آلیب.
دکتر دکتر نظم الحکه و دکتر فاروق عبدالله ین یازدیغی “دونیانین ان قدیم اونیورسیته تی و اونون مالیه لشدیریلمه سی تجروبه سی: القراویین اونیورسیته تی نین تدقیقی” باشلیغی مقاله لرینده بیلدیریلیرکی، فاطیمه ی آتاسی و ارینین اؤلوموندن سونرا خیلی میراث قالیر و او، بو ثروتدن ویجدانلا ایستیفاده ائدیر. فاطیمه اؤز ایتکیسینی اینسانلارا وئردیگی فایدایا چئویریب.
مقصدی بیر زامانلار آئیله سی ایله تونیسین کایروآن شهریندن کؤچ ائدرکن اونلاری خوش اوزله قارشیلایان خالقا کمک ائتمک ایدی. او 859 -جی ایلده فاطیمه القراویین اونیورسیته تینین اساسینی قویدو. سونرالار اونیورسیتته چئویریلن القراویین مسجیدی و مدرسه نی یاراتدی.
فاطیمه، تقوالی و دینی علم لر ساحه سینده یاخشی تحصیل آلمیش کیمی تانینیردی. مقاله ده اونون علم و معمارلیق کیمی دیگر بیلیک صحنه لرینه ده سئوگیسینی اینکیشاف ائتدیردیگیندن بحث ائدیلیر. پروفسور غفوری و پروفسور ابراهیم موسی نین “معاصیر دونیادا ایسلام” آدلی بیرگه ایشیندن گؤره بیلریک کی، القراویین “تاسیسچی لرینین گوجونو عکس ائتدیرن مرکزی قوروم” ایدی.
داها سونرا ایشده ایضاح ائدیلیر: “خیریه ایشلری ایله باغلی سندلر تاسیسجی لره تخصیص ساحه لرینی دقیق لشدیرمه یه ایمکان وئردیگی اوچون مدرسه نین پلانی فرقلی اولا بیلردی”.
او، ایلک دفعه مسجید و دینی اوجاق کیمی او دؤورون اینسانلارینا معنوی و ایسلامی تحصیل وئرن بیر قوروم اولاراق یارادیلیب .
“القراویین” آدلی فاطیمه نین تونیس ده یاشادیغی شهرینه قویولوب.
ایللر کئچدیکجه قراویین گنیشلنیب و داها چوخ علم آختاریشیندا اولان کیشیلره و قادینلارا کمک ائده بیلیب.
القراویین تکجه ایسلام دینی تحصیلی وئرمیردی، ایللر عرضینده اورادا مختلیف تحصیل ساحه لری یئر آلیردی. خصوصیله طب، هندسه، آسترونومی، حتی تاریخ کیمی انسانی علوم لری اونیورسیتت پروقرامینا داخیل ائدیلیب.
قراویین اونیورسیتتی بیر نئچه عصر بویونجا آفریقادا اؤز ساحه سینین ان بؤیوک اونیورسیتتی اولاراق قالیب. بو دونیانین هر یئریندن عالیملری و طلبه لری جلب ائدیب.
دئییلنلره گؤره، ایسلام عالیمی ابن العرب(1165-1240 )، فیلسوف ابن خالدون (1332-1406 ) و بیر چوخ باشقا مسلمان عالیملری اورادا تحصیل آلمیش و درس دئمیشلر.
القراویین یونسکو و گینس رکوردلار کیتابینا دوشرک ان قدیم اونیورسیتت کیمی تانینیب . ان قدیم عالی تحصیل اوجاقی دیر
یازار: آغا مهدی یئو
کؤچورن : تورک قادینلار مرکزی