تهراندا یاشایان افغانیستانلی اؤیرنجی سارا گوهری گوونلیک گوجلری طرفیندن حبس اولونوب
ایرانوایرین الده ائتدیگی بیلگیلره گؤره، ۲۹ یاشلی افقانیستان وطنداشی و تهران بیلیمیوردونون سوسیولوژی اؤیرنجیسی اولان سارا گوهری، ۱۵ تیر گونو تایباد سرحدینده ایران ایسلام جمهوریتینین گوونلیک گوجلری طرفیندن حبس اولوناراق بلیرسیز بیر بیر یئره آپاریلیب.
سارا گوهرینین یاخینلارینا بیلگی وئرن بیرقایناقین یلدیردیگینه گؤره، اونو ساخلایان قوروم ایرانین اطلاعات ناظرلیگیدیر.
سارا گوهری حبسیندن اؤنجه اینستاگرام صفحهسینده افقانیستانلی موهاجیرلرین دورومو ایله باغلی باغیمسیز بیر آراشدیرما آپارماق و اونلارین حکایهلرینی توپلاماق مقصدیله تایباد سرحدینه سفر ائدهجهیینی آچیقلامیشدی.
سارا گوهرینین عائلهسی، حبسیندن تخمیناً ۱۰ گون کئچمهسینه باخمایاراق، اونون هارادا ساخلاندیغی و ساغلاملیق دورومو بارهده هئچ بیر بیلگی صاحبی دئییل و اونلارین داواملی چابالاری ایندییه قدر سونوجسوز قالیب.
مؤوجود بیلگیلره گؤره، بو حبس هئچ بیر محکمه قراری اولمادان و رسمی بیلگی وئریلمهدن حیاتا کئچیریلیب.
#ایران_خبرلری #افقان_موهاجیرلر
