آیاق اوستو یازیلار *یئنییئتمه ایرانلی کوکلاکسکلانلار و عیرقچیلیق* رقیه کبیری
سحر چاغی ابراهیم ساوالانین تلگرام کانالیندا پایلاشیلان بو ویدیونو ایزلرکن ندنسه بیر آن امریکانین داخلی ساواشیلا باغلی، کئچمیشده ایزلهدیییم بیر فیلمده قرهدریلیلرین ائولرینی محاصره ائدن کوکلاکسکلانلار یادیما دوشدو.
منجه بو ویدیودا ☝️(اؤنجهکی پست) گؤرونن یئنییئتمهلر فرقلی ائتنیکلردن اولوشان اؤلکهمیزین ان اؤنملی حقیقتیدیر.
آموزش سیستمی، سیاسی توتوملار، توپلوم، عایله، دیجیتال دونیانین حاکمیتی و بیر چوخ فاکتور الاله وئریب، کوکلاکسکلانلار سایاغی اؤز یاشیدلاریندا بیر افغانلی مهاجیره سالدیران یئنییئتمهلری عرصهیه گتیریرکن، اونلارین اورهیینده اؤتهکییه (دیگری) قارشی نفرت یارادیب.
بو گون اؤتهکی اینسان بیر افغانستانلیدیر، صاباح دا بیر باشقاسی، حتی اؤلکه ایچینده باشقا بیر ائتنیکدن اولان بیر اینسان اولا بیلر.
بو یئنییئتمهلر گلهجکده اؤلکهنین کیشیلری اولاجاقلار!!!
اؤتهکینه قارشی نفرت چرخهسینی دایاندیرماق لازیمدیر. آموزش سیستمی و سیاسی توتوملارین دییشیلمهسینی طلب ائتمکله یاناشی نفرت چرخهسینینین دایاندیرماغینی اؤز عایلهمیزدن، ائولادلاریمیزدان باشلامالییق، دئیه دوشونورم.
۱۴۹۴.۰۴.۲۲
#Iran
#Afganistan
#مهاجیر
#عیرقچی
