قوشاچای دا دؤرد قادينين قتلينده تقصيرلنديرن شخص توپلوم قارشیسیندا اعدام ائدیلدی
باتی آذربایجان ایالتینین عدليه ایدارهسینین رئیسی ناصر عتباتی اعلان ائدیب: “قوشاچای شهرینین باروق بؤلگهسینده دؤرد قادینین قتلی ایله باغلی محکوم ائدیلمیش شخصین قیصاص حؤکمو چارشنبه گونو، ۱۸ تیر سحری توپلوم قارشیسیندا ایجرا اولوندو.”
عدليه سیستمینه باغلی “میزان” خبر آژانسی بو خبری یایاراق یازیب: “بو شخص باروقدا دؤرد موسلمان قادینین قصداً قتلینده تقصیرلندیریلیردی و حبس اولوندوقدان سونرا ساوجیلیقدا و محکمهده، اتهام اولونان، وکیل و ضررچکمیش عائلهلرینین ایشتیراکی ایله موحاکیمه ائدیلدی. جینایت ایشلرینه باخان بیرینجی جینایت محکمهسی قیصاص حؤکمو چیخاریب و بو حؤکم عالی محکمه طرفیندن ده تصدیقلهنیب.”
ناصر عتباتی آرتیریب: “ضررچکمیش عائلهلرین و وطنداشلارین ایستیی ایله چیخاریلمیش حؤکم توپلوم قارشیسیندا ایجرا اولونوب.”
#آذربایجان_خبرلری #اعدام
