تراختورون شامپیونلوغوندان سونرا اونون قادین طرفدالارینا گوونلیک اورقانلارین تضییقلری آرتیب
ایرانین پرئمیئر لیگ فوتبول یاریشلاری‌نین باشا چاتماسی و تراختور کومانداسی‌نین شامپیونلوغو قازانماسیندان سونرا بو کوماندانین قادین طرفدارلارینا قارشی گوونلیک اورقانلاری‌نین تضییقلری‌نین آرتدیغی باره‌ده بیلگیلر یاییلیب.
تورک حوقوقچو سینا یوسفی‌نین “ایکس” حسابیندا یازدیغینا گؤره، گوونلیک گوجلری تبریزین سهند استادیوموندا “حجابا اویماماق”، “گوونلیگه قارشی شوعارلاری سسلندیرمک” و “حوقوقی ایستکلر ایره‌لی سورمک” کیمی سببلرله تراختورون بعضی قادین طرفدارلارینی چاغیریشا، تهدیده و حتی مووقتی حبسلره معروض قویوبلار.
جناب یوسفی‌نین یازدیغینا گؤره، بو قادینلاردان بیر نئچه‌سی باره‌سینده یا حبس قراری چیخاریلیب، یا دا گیروو قارشیلیغندا سربست بوراخیلیب، لاکین ساخلانیلانلارین کیملیگی و دقیق سایی باره‌ده هله‌لیک رسمی بیلگی وئریلمه‌ییب.
ایران‌دا حاکیميت، قادینلارین استادیوما گیریشی حوقوقو اوغروندا آپاردیقلاری اوزون‌موددتلی موباریزه‌دن سونرا، ایندی اونلارین گیریشینی نظارت آلتینا آلماق مقصدیله یئنی اوصوللارا ال آتیب. بو اوصوللارا ساختا اتهاملارلا پرونده آچماق، اونلاری ایزله‌مک و موختلیف یوللارلا تهدید ائتمک داخیلدیر. بئله‌لیکله، رژیم قادینلارین استادیوملاردا مؤوجودلوغونو محدودلاشدیرماغا و توپلومسال فعاللیقلارینی بوغماغا چالیشیر.
#قادین_حوقوقلاری #تراختور
