باکی ایدمان ساراییندا ۴ اوشاق کیتاب فستیوالی آچیلیب. تدبیر آوریل‌ین ۱۳-دک داوام ائده‌جک.
ائلناره آکیم اووا آذرتاج-ین مخبرینه مصاحبه‌سینده، مطالعه نسلی‌نین فورمالاشماسی اوچون فستیواللارین اهمیّتینی وورغولاییب. او، قئید ائدیب کی، بئله تدبیرلر اوشاقلارین یازیچیلاری تانیماسینا، کیتابا ماراغی‌نین آرتماسینا کؤمک ایدیر.
بؤیوکلر اوچون اونلار ادبیّات و تحصیلی، مذاکره مئیدانینا چئوریلیرلر: «اورهان پاموک»ون دئدییی کیمی:
«بیرگون کیتاب اوخودوم و بوتون حیاتیم دگیشدی».
«قوی، فستیوالدا آلینان کیتابلار اوشاقلار اوچون ده عینی تأثیری گؤسترسین» دئیه آگئنت(نماینده)لییین هم‌صحبتی علاوه ائدیب.
قئید ائدک کی، فستیوالدا هم آ ن آ ای بی عضولری، هم ده دیگر شرکتلر ده داخل اولماقلا ۳۰دان چوخ نشرییات ائوی اشتراک ائدیر.
زیارتچی‌لره مختلف ژانرلاردا کیتابلار تکلیف اولونور کی، اونلارین چوخون ۹۰ فاییزه قدر ائندیریم‌له آلماق اولار.
تدبیر چرچوه‌سینده کیتاب تقدیماتلاری، یازیچیلارا گؤروشلر، شعر قرائتلری و اوشاقلار اوچون ائیلنجه پروقراملاری نظرده توتولوب. اوستاد درسلری، مسابقه‌لر، تآترلاشدیریلمیش صحنه‌جیکلر و اینتر آکتیو فعّالیّتلر ده تشکیل اولونور.
فستیوال اوچ تماتیک(زمینه محور)
گوندن عبارتدیر: آوریل‌ین ۱۱-ی ملّی گئییملر گونو اعلان ائدیلیب -اوشاقلارا ملّی دگرلرین آشیلانماسی و مدنی ارث‌ین قورونماسی مقصدی ایله آذربایجان‌ین ملّی گئییملری ایله تانیشلیق امکانی یارادیلیر.
اوشاقلارا پئشه‌لری تانیتماق، اونلاردا ماراق اویاتماق مقصدی داشییان پئشه‌لر گونو آوریل‌ین ۱۲-ده قئید اولوناجاق.
آوریل‌ین ۱۳-ده اوشاقلارین تخیّلونون انکشافینا و اونلاردا مثبت کیفیّت‌لرین فورمالاشدیریلماسینا حصر اولونموش ناغیل قهرمانی گونو اولاجاق.
https://t.me/Adabiyyatsevanlar
