یئنی ایلده قیز اوخوللارینا ایلک کیمیاسال سالدیری
ایراندان گلن خبرلر یئنی ایلده قیز اوخوللارینا ائدیلن کیمیاسال سالدیریلارین داوام ائتدیگیندن خبر وئریر.
شرقین خبرینه گؤره، ۱۴ فروردینده سولدوزون محمدیاری‌نین ۲۲ بهمن قیز اوخولو کیمیاسال سالدیرییا عروض قالیب و بیر نئچه اؤیرنجی زهرلنه‌رک طب مرکزلرینه آپاریلیب.
بو سالدیری زامانی زهرلنن اؤیرنجیلرین سایی‌نین ۵ نفر اولدوغو آچیقلانیب.
باتی آذربایجان ایالتی‌نین یئرلی تلگرام کاناللاری دا بو کیمیاسال سالدیری‌نین باش وئردیگینی تصدیقله‌ییب و بو اوخول چئورسینده پولیس و تعجیلی یاردیم ماشینلاری‌نین اولماسینی عکس ائتدیرن ویدئولار یاییبلار.
ایران اوخوللارینا کیمیاسال سالدیریلار تخمیناً ۵ آی اؤنجه قوم شهرینده باشلاییب، بو زامانا قدر ۵ میندن چوخ اؤیرنجی زهرله‌نیب و طب مرکزلرینه آپاریلیب.
#آذربایجان_خبرلری #اوشاق_حوقوقلاری
