خوزیستاندا گنج قیز ناموس مسئله‌سی نه‌دنی ایله اؤلدورولدو

ایران وایر- ایران مئدیاسی‌نین وئردیگی بیلگیلره گؤره، سون گونلر خوزیستاندا گنج قیز عائله‌‌‌ عضولری طرفیندن ناموس مسئله‌سی نه‌دنی ایله اؤلدورولوب.

رکنا سایتی، جوما آخشامی، ۱۳ آبان ۱۴۰۰-جو ایل، بو باره‌ده یازیب کی، حادثه‌‌‌دن ۳ گون سونرا موتهیملر پولیسه تسلیم اولوبلار و والیدئینلرین شیکایتلری اولمادیغی اوچون جینایتین عومومی بویوتو ایله باغلی پرونده آچیلاراق محکمه‌‌یه وئریلدی.

سلاحلا اؤلدورولن گنج قیزین جسدی پراید مارکالی اتومبیلین ایچریسیندن تاپیلیب.

بیلگیلره گؤره، پولیسین ایلکین آراشدیرمالاری سونوجوندا گنج قیزین عائله‌‌‌ عضولری طرفیندن ناموس نه‌دنی ایله اؤلدورولدویو، داها سونرا ایسه جینایتکارلارین قاچدیغی بللی اولوب.

راپوردا قتلین باش وئردیگی شهر و نئجه باش وئردیگی قئید ائدیلمیر.

ناموس مسئله‌لرینه گؤره قتللرده قوربانلارین چوخو قادین اولور و عائله‌‌‌لرده زوراکیلیق و موناقیشه آدلاندیریلاراق بیلدیریلیر. بو قتللر عادتاً قوربانین عائله‌‌‌سی و یا باشقا قوهوملاری طرفیندن حیاتا کئچیریلیر.

مجبوری نیکاح، بوشانما، عکس جینس و حتی جینسی تجاووز چوخ واخت رسوایچیلیق دئییلن شئیه گؤره آدام اؤلدورمه‌یه سبب اولور.

دیدگاهی بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آحرین مطالب