تهراندا بیر قادین محکمه‌‌دن چیخدیقدان سونرا اسید سالدیرسینا معروض قالدی

گنج بیر قادین بوشانما پرونده‌سینی داوام ائتدیرمک اوچون تهرانداکی بیر محکمه‌‌دن چیخدیقدان سونرا ائوه گئدرکن اسید سالدیریسینا معروض قالدی.

کیهان قزئتی‌نین یازدیغینا گؤره، بو حادثه‌‌‌ ۷ دی ۱۳۹۹ بازار گونو تهرانداکی ولیعصر شهرجیگی‌نین پولیس مامورلارینا خبر وئریلدی.

گنج قادینین ایلکین سوروشدورمادا مامورلارا وئردیگی بیلگیلره گؤره، حادثه‌‌‌ گونو بوشانما پرونده‌سینی داوام ائتدیرمک اوچون عائله‌‌‌ محکمه‌‌سینه موراجعت ائتمیشدی.

قوربان اسید سالدیریسیندان سونرا آیاقلاریندان یانیقلارا معروض قالدی و موعالیجه‌‌‌ اوچون خسته‌خانایا آپاریلدی.

ایران قزئتی‌نین بو حادثه‌‌‌نین آیرینتیلاری باره‌ده وئردیگی خبرده دئییلیر: “محکمه‌‌ بیناسیندان چیخدیقدان سونرا ائوه گئدرکن، ولیعصر شهرجیگینده‌کی محله‌‌‌لردن بیرینده ائوین یاخینلاریندا بیردن ایکی کیشی موتوسیکلئت ایله یاخینلاشدی. “هر ایکیسی ده کاسق (ایمنی بؤرک( تاخمیشدیلار و موتورون ترکینده اوتوران شخص الینده‌کی قابی اوستومه آتدی.”

اؤزونو “مودیریت اوزره دوکتورا اؤیرنجیسی” اولاراق تقدیم ائدن گنج قادین، دؤرد ایل اؤنجه ائولندیگینی، آنجاق “عائله‌‌‌ موباحیثه‌لری” سببیندن حیات یولداشیندان آیریلما مرحله‌‌‌سینده‌ اولدوغونو دئدی.

خبرده، آراشدیرما آپاران موستنطیق قادینین حیات یولداشی‌نین اسید سالدیریسینا قاریشماسی احتیمالی اولدوغونو و بو سببدن ده محکمه‌‌یه چاغریلدیغینی سؤیله‌دی.

دیدگاهی بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آحرین مطالب