بو یازدا ۱۴ یاشینادک ۷ میندن چوخ قیز ائوله‌نیب

ایرانین ایستاتیستیکا مرکزی‌نین یاییملادیغی بیر آراشدیرما راپورونا گؤره، ۱۳۹۹-جو ایلین یازیندا ایراندا ۱۴ یاشینادک ۷ میندن چوخ قیز ائولندی.

ایرانین ایستاتیستیکا مرکزی‌نین “ایرانین سوسیال و کولتورل دورومو” آدلی یاییملادیغی بو مؤوسوملوک راپوردا ۱۰ ایله ۱۴ یاش آراسی قیزلارین ائو‌لیلیکلری‌نین دقیق سایینی ۷۳۲۳ اولاراق آچیقلادی.

بیلگیلره گؤره، بو مدت عرضینده ۱۰ یاشینادک بیر قیز و ۱۵ یاشینادک بئش اوغلان ائوله‌نیب.

ایراندا ۱۴ یاشینادک قیزلارین ائولنمه‌سی قانونلا قاداغان دئییل و ایران مجلیسینده ائولیلیک یاشی‌نین آرتیریلماسینا دایر قانون لاییحه‌‌سی‌نین دفعه‌‌لرله قارشیسی آلینیب.

ایرانین ایستاتیستیکا مرکزی‌نین اؤنجه‌کی ایللرده‌کی اوشاق نیکاحی فئنومئنینه دایر راپوروندا ۹۵-۹۸-جی ایللر آراسیندا ۱۴ یاشینادک تخمیناً ۱۳۰ مین قیزین ائوللیلیگی‌نین قئیدیاتا آلیندیغی و ۱۵ یاشینادک ۱۰۰ نفردن چوخ اوغلانین ائولندیگی بیلدیریلیر.

ائولیلیک واملاری‌نین میقداری‌نین آرتیریلماسی ایراندا ۱۴ یاشینادک قیزلارین ائولیلیگی‌نین آرتماسی‌نین سببلریندن بیریدیر.

دیدگاهی بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آحرین مطالب