مرجان اسحاقی اؤیرنجی میتینقلرینه قاتیلدیغی اوچون بئش ایل حبس جزاسینا محکوم ائدیلدی

تهران بیلیم‌یوردونون سیاسی بیلیملر اوزره اؤیرنجی‌سی و ۱۳۹۸-جی ایل آبان اعتراضلاری آکسییالاری‌نین محبوسلاریندان اولان مرجان اسحاقی توپلام بئش ایل حبس جزاسینا محکوم ائدیلدی.

بو خبری توییتر صفحه‌‌‌سینده اعلان ائدن اسحاقی، محکمه‌‌نین “۱۳۹۸-جی ایلین آبان آییندا کئچیریلن اؤیرنجی میتینقلرینه قاتیلماقلا میلّی گوونلییه قارشی توپلانماق و گیزلی آنلاشما” باره‌ده قراری‌نین چیخاریلدیغینی و اونا بیلدیریلدیگینی یازدی.

اونون سؤزلرینه گؤره، بو حؤکمه بئش ایل حبس جزاسی داخیلدیر، بو جزانین دؤرد ایلی تعلیقی و بیر ایلی ایجرا ائدیلمه‌لیدیر.

مرجان اسحاقی، ۲۶ آبان ۱۳۹۸-جی ایل تاریخینده تهران بیلیم‌یوردونون اؤیرنجی میتینقینده ایشتیراک ائتدیگی اوچون اینقیلاب کئشیکچیلری اطلاعات مامورلاری طرفیندن توتولدو و اوین حبس‌خاناسینداکی اینقیلاب کئشیکچیلری اطلاعاتی‌نین تجرید‌خاناسینا کؤچورولدو.

بو اؤیرنجی فعال ۱۸ گوندن سونرا اوین حبس‌خاناسیندان مووقتی اولاراق سربست بوراخیلدی و دیندیرمه پروسه‌سی بیتدیکدن سونرا محکمه‌‌نین سونونا قدر گیروو موقابیلینده سربست بوراخیلدی.

بو اؤیرنجییه جزانی وئرن حاکم ابوالقاسم صلواتی‌دیر کی محمد مقیسه ایله بیرلیکده گؤستری محکمه‌‌لرده عدالتسیز موحاکیمه‌‌لر و اینسان حاقلاری پوزونتولارینا گؤره آمریکانین تحریم لیستینده یئر آلیبلار.

دیدگاهی بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آحرین مطالب