الهام آزاد: قان اؤجو عنعنه‌‌سی باریشین سمبلو اولموشدور

ایسلام مشورت مجلیسی‌نین عضوو الهام آزاد، «قان اؤجو»، عنعنه‌‌سی‌نین ایکی طایفه آراسیندا یئنیدن چاتیشمانین باشلاماسینا مانع اولدوغو اوچون «باریشین سمبولو» اولدوغونو سؤیله‌دی.

او بو عنعنه‌یه جینایت و یا منفی بیر حرکت کیمی باخمامایی دئدی و علاوه‌‌ ائتدی: «کئچمیشده عائله‌‌‌نین ایجازه‌سی ایله و بیر قیزلا اوغلانین تانیشلیغی اولمادان ائولنمک عادت ایدی و اگر بو ائولیلیک نؤعو زامانا و شرایطه گؤره قان اؤجو اوچون حیاتا کئچیریلدیسه، قادین جمعيتینه قارشی بیر ظولم کیمی باخماق دوغرو دئییل.»

بو ملت وکیلی آرتیریب «بو عنعنه‌نی میلی قئیدیاتا کئچیرمک واجیب دئییل، چونکی اینسان حوقوقلاری باخیمیندان اؤلکه‌یه پروبلئملر یاراتمایا سبب اولا بیلر.»

عینی زاماندا او دئییر: «قان اؤجو عنعنه‌سی، ایسلام قانونلاریندا وورغولاندیغی اینتیقام و قصاص عوضینه باغیشلانما کولتورونون حیاتا کئچیرمه‌سی اوچون بیر حرکتدیر.»

الهام آزاد اینانیر: “«و عنعنه‌‌نین اؤنمی او زامان آرتیر کی، ایسلامین عزیز پیغمبری طرفیندن وورغولانان بیر عنعنه اولان ائولیلیک شکلینده باش وئرمه‌سیدیر. بو سببدن جینایت عملی حساب ائدیله بیلمز.»

بیر مدت اؤنجه شوش محکمه‌‌‌سینین رییسی «صادق جعفری چگنی»، قان اؤجو عنعنه‌سی‌نین میلّی قئیدیاتی اوچون لازیمی سندلری توپلادیقلارینی سؤیله‌دی.

بو آچیقلامالار «من فصلیه اولمایاجام» و «قان اؤجو اولمایاجام»، هشتگ‌لری ایله سوسیال مئدیادا قراری تنقید ائدن خوزیستانلی قادینلارین اعتراض و مقاومتی ایله قارشیلاندی.

سککیز ایل اؤنجه، ایرانین بیر سیرا دیگر ایالتلرینده قان اؤجونون میلی قئیدیاتی مسئله‌‌سی موباحیثه‌لی ایدی.

لورستان، فارس، چهارمحال‌وبختیاری و کهگیلویه‌وبویراحمد اولماقلا دؤرد ایالتده‌کی یئرلی مقاملار «فصل» و قان اؤجو عنعنه‌سی‌نی قئید ائتمه‌یه چالیشدیلار کی او زامان کولتورل میراث تشکیلاتی مودورلری‌نین قارشی قویدوغو اوچون بو گیریشیم سوسدورولدو.

دیدگاهی بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آحرین مطالب