نیه هله ده ایکینجی درجه لی ساییلیریق؟

نیه هله ده ایکینجی درجه لی ساییلیریق؟
قادین ادبیاتی اوچونجو محتشم دؤورلر- بس نیه بیزی هله ده “ایکینجی درجه لی” قبول ائدیرلر؟
کیشیلر حقیقتا قادینلاریندان نلرسه اؤیرنیرلرمی؟ تزتز… بس بونو قبول ائدیب، ایجتیماعی اورتاملاردا آچیق شکیلده بیلدیریرلرمی؟ چوخ نادیر حاللاردا بو گونوموزده ده بئله دیر. گلین ادبیاتدا نمونه لره باخاق.اؤزومو نه قدر مجبورائتسم ده، بیر قادین یازارین اثرلریندن، بو و یا دیگر شکیلده تاثیرلندیگینی سؤیله ین هانسیسا کیشی یازارلارین آدینی خاطیرلاماغدا چتینلیک چکیرم. ایتالیادا یانلیز بیر آد خاطیرلایا بیلرم، لئوپاردین مؤللیفی گیوسئپ توماسی دی لامپدوسا ویرجینیا وولفو اوخویاراق چوخ شئی اؤیرندیگینی سؤیله ییب. بو میثالین اکسی اولان، قادین کوللئقالارینا خور باخان، اونلاری آشاقلایان و یا اونلارین اهمیت سیز، بانال حکایه لر ائویلیلیک، اوشاقلار و یا سئوگی ماجرالاری، قیساسی، اوجوز، اموسیونال رمانلار یازدیغینی دوشونن بیر چوخ کیشی یازیچی تانییرام.ایندی ایشلر دئییشیب بیر آز اما چوخ دا یوخ.
مثلا، کیشی یازیچی اؤزل و یا ایجتیماعی هانسیسا صحبت زامانی قادین یازیچیلارین یاخشی اولدوغونو سؤیلینده سوروشماق ایستردیم: “یاخشی” دئینده سنین قدر “یاخشی”، سندن یاخشی، یوخسا یانلیزقادینلارین یازدیغی کیتابلارکنتکستینده؟ نه یی نظرده توتورسان؟ یعنی سیخیشدیردیغیمیز ادبیات ساحه سینده (هانسی کی، سیخیشدیریلمانین تک گوناهکاری بو ساحه نین بازاری دا دئییل) اوزه چیخماغی باجارمیشیق؟ یوخسا،ادبیاتی و اونون دیرلرینی پوزا بیلمیشیک؟
کیشی یازیچی نین منیم یازدیغلاریمی اوخویوب بیندیگینی سؤیلمه سی درسینی یاخشی اؤیرنمیش طلبه قیزا بخش ائدیلن سخاوتلی بیر کمپلیمنت دی، یوخسا کیشی یازارلارین دا قادین یازارلاردان اؤیرنرک شئلر اولدوغونو اعتیراف ائتمسی دی؟
دوشونورم کی، ائله بو نقطه ده مسئله غلیظلشیر. مدنی کیشیلرین چوخو بیزیم دویغولاری حرکته گتیرمک اوستالیغیمیزی تعریفلمیه حاضیردی (قادینلار عنعنوی اولاراق اموسیالاری خوش بیر شکیلده حرکته گتیرمکدن داها یاخشی نه ائده بیلر؟)
اما همان کیشیلراینقیلاب ائدن، مینلی اراضیلره گیرن، سیاسی قارشی دورمالاری و قهرمانجا ایقتیدار مباریزه لرینی آراشدیران ادبیاتی یانلیز اؤز ساحه لری اولاراق گؤرور.عسگر اینسانلار دونیانی کوچه کوچه گزیب سؤز و ایشله موباریزه آپارماق جسارتینی یانلیز کیشی اینتئللئکتینه باغلاییر. قادینلارسا عینی دوشونجه ده یانلیز ایواندا اوتوردولور، گؤزلری اؤنوندن آخیب کئچن حیاتی ایزله ییب، تیترک سؤزلرله اونو تصویر ائدیرلر.
دونیانین هر گوشه سینده، هر ساحه ده آیدین دوشونجه ایله، آمانسیز بیرقاوراییشلا،جسارتله، سنتیمئنتاللیغا تسلیم اولمادان یازان بیر چوخ قادین وار. یوکسک ابدی کیفیت ده اثرلر یارادا بیلن قادین ذکاسی گؤز قاباغیندادیر. آنجاق کیشیلری یوخ ائتمک چتیندیر: بیز سئنتیمئنتالیق، دوزدو، باشقالارینی سئویندیرمک اوچون واریق. اما کیشیلر سؤزلری و ایشلری ایله دونیاداکی بوتون پیسلیکلرین یاخشیلیقلارا غالیب گلمه سینی تامین ائدن بؤیوک یازیچیلار و قورخماز معللیم لردیر.
شکیل: آندرآ اوجینی
مؤللیف:ائلئنا فررانته
چئویری: گونل دنیز
قایناق: Thequardian.com
کؤچورن : تورک قادینلار مرکزی